Trinn 4 – Pingvinmerket

Denne delen av opplæringa fokuserer på det å ha framdrift i vatnet. Her må ein kombinere ferdigheitene ein har lært i dei tidlegare trinna, halde pusten, hopping og flyting for å klare å gli gjennom vatnet. Når borna meistrar i gli i linjehaldning på mage og rygg startar vi med å øve på beinspark i rygg og mageleie. Etter endt kurs skal bornet kunne skape framdrift i vatnet ved hjelp av beinspark på mage og rygg.

Delmål i løpet av kurset:

• Gli på magen i linjehaldning.
• Gli på ryggen i linjehaldning.
• Gli i linjehaldning med dreiing frå mage til rygg, puste og så dreie tilbake på magen.
• Gli med vekselbeinspark på magen i linjehaldning.
• Gli med vekselbeinspark på ryggen i linjehaldning, puste og så dreie kroppen på magen i linjehaldning og utføre vekselbeinspark.
• Hoppe uti på djupt vatn, flyte opp i linjehaldning på magen og utføre vekselbeinspark, dreie over på ryggen og utføre vekselbeinspark med tilpassa pust.

Meir informasjon

For hjelp til å velgje rett kursnivå – bruk dette spørreskjemaet: http://goo.gl/forms/bwVPiBxx4K

Les meir om kurset på denne lenkja: http://orstasymjeklubb.no/aktivitetstilbod/symjekurs/begynnaropplaering

Det er ikkje kurs i haustferien.