I helga har heile 13 symjarar frå Ørsta Symjeklubb delteke på Julelauget i Volda symjehall. Dette er nær ei dobling av antalet symjarar vi stilte med i fjor, så det var veldig kjekt å sjå at vi har lukkast med satsinga på å få fleire med på stemner. For fyrste gong på fleire år stilte Ørsta Symjeklubb med stafettlag – noko som var engasjerande både for små og store.

 

Open klasse

Victoria Ingrid Engeset persa på begge øvingane ho deltok i på stemnet, til tross for at ho misste brillene på begge distansane.

Dette var fyrste gong Nicholine Nesset deltok i open klasse på stemne. Ho var litt spent og nervøs før start på søndagen, men leverte flott symjing i distansane 200 m bryst og 50 m rygg.

 

Rekrutt

Simen Vatne Haram var den av rekruttane som deltok i flest øvingar av ørstingane på stemnet, og han symde inn til ny personleg rekord i rubbel og bit. Håvard Gårdsvoll Vatne deltok også i to øvingar sjølv om han var litt skeptisk på førehand til å symje i Voldabassenget, og forbetra bestetidene sine. Ein kan konkludere med at det er ikkje så skummelt på stemne, berre litt spennande og kjekt.

Stine Gjengedal Sætre imponerte også med solide personlege rekordar. Ho har hatt ei veldig flott utvikling i symjeteknikken sin det siste året, og det viste godt igjen på resultata.

Maja Røe Natås hadde også gode prestasjonar i bassenget, og speakeren skrytte over høgtalaranlegget av teknikken hennar i ryggsymjing – velfortjent. Sigrid Sætre har også hatt god framgong det siste året, og symde inn til nye personlege rekordar. Ho imponerte også med flotte stup på stemnet.

Martin Nesset hadde vinnarinstinktet på plass og ga full gass når han symde, som resulterte i fin tid på 50 m bryst.

Laura Claudia Pocora deltok for fyrste gong på stemne, og var også med på rekruttlaget. Ho syntest det var ganske spennande å skulle stille til start, men gjennomføringa gjekk heilt fint sjølvom det var sommarfuglar i magen på førehand.

Andrè Arntsen var også med, og representerer saman med Ådne Sætre, Falk Aarsæther og Sigbjørn Fonesca den yngste delen av rekrutt-gruppa. Dei symde fint alle fire og syntest det var kjekt å få prøve seg på stemne.

Stafettlaget bestod av Simen (1. etappe), Maja (2. etappe), Sigrid (3. etappe) og Claudia (4. etappe).

 

Resultatliste

Namn	Fødd	25 m fri	25 m bryst	25 m butterfly	25 m rygg	50 m fri	50 m bryst	50 m rygg	100 m fri	100 m bryst	200 m bryst
Victoria Ingrid Engeset	1999								1.28,39	1.44,94
Nicholine Nesset	2002							48,06			4.09,74
Laura Claudia Pocora	2003		28,98			1.00,55
Martin Skjåstad Nesset	2004						1.09,56
Maja Røe Natås	2004				26,08	59,73
Stine Gjengedal Sætre	2004	24,50	34,46			1.04,93
Sigrid Sætre	2004		30,16			1.03,93
Håvard Gårdsvoll Vatne	2005	27,16	36,43
Simen Vatne Haram	2005	21,50	26,90	31,43		49,98	55,56		1.59,05
Falk Aarsæther	2006	39,51			41,00
Andrè Arntsen	2006	41,25	43,86
Ådne Sætre	2006		36,73		34,10
Sigbjørn Fonesca	2006	37,93			37,63
Stafettlag		4×50 m fri rekrutt				3.54,15 (1.et. 51,43 – 2.et. 1.00,47 – 3.et. 1.02,48 – 4.et. 59,77)